[品味人間] 呢幾日開始涼dd 啦, 又係時候我出動去打邊爐啦!
食火鍋, 好多時都係D唔多起眼的店先好食又抵! 就好似呢間"新明記火鍋", 位於佐敦, 離 MTR 都幾遠, 幾唔就腳下. 而且一路行去, 沿途都係D較污穢的橫街窄巷咁. 不過當你一到達佢個門口, 就會見到好多好新鮮的海產, 立即開心返哂!
其實呢間我都食左好多次, 次次的水準都係咁好! 價錢仲無點加! 認真值得推介呀! 不過如果你對店舖門面係好著重的話, 就真係唔建議你去食啦. 因為呢度都有DD地嚭feel 呀!
佢個手切本地肥牛, 真係不得了! 好有牛香, 又肥又軟熟. 灼8-10秒已經好夠, 耐左就會"鞋"啦.同埋個份量都相當OK.
花甲超巨型! 無沙, 夠爽. 正!
今次佢話帶子好食, 一於try try. 又真係無整鬼我地喎! 鮮甜, 口感很好, 係一絲絲的. 我好喜歡呢個層次感! 真係好有sashimi 的級數呀!
食火鍋又點少得聖子皇, 今次就唔係太大隻, 不過就相當新鮮! 放落去清湯滾幾下, 已經好美味! 完全唔需要落任何調味!
呢度有一樣食物係必食的, 就係.....登登登.....就係"田雞"啦! 超級生猛!! 放係面前, 佢就係咁郁下郁下咁. 同埋, 真係好鮮好甜!! 啖啖肉呀! 千祈唔好錯過呀!! 重要係仲要超級抵的! 大約 HKD 50 一碟.
而蟹就不過不失啦. 都叫做多膏呀. 而且又係新鮮到極!
呢度都幾多海鮮呀, 而且價格唔高. 佢仲會介紹好野予客人呀!
野飲都係貴超市一點咋. 飲多幾杯都唔會肉痛啦! 同朋友吹水一流!
大約食左HKD800 左右, 論質素, 真係相當OK.
Search